(၉-၁၀-၂၀၂၆)ရက်နေ့ (၁၁း၃၀)နာရီ အချိန်တွင် စစ်ကိုင်းတိုင်းဒေသကြီးလွှတ်တော် သဘင်ဆောင်၌ စတုတ္ထပုံမှန်အစည်အဝေး (သတ္တမနေ့)သို့ လာရောက်လေ့လာကြသည့် ဆစ်ခ်ဘာသာရေးအဖွဲ့/ဟိန္ဒူ ဘာသာရေးအဖွဲ့များနှင့် တွေ့ဆုံပွဲအခမ်းအနား ကျင်းပခဲ့ပါသည်။
အခမ်းအနားသို့ လွတ်တော်ဥက္ကဋ္ဌ ၊ ဒုတိယဥက္ကဋ္ဌ၊ တိုင်းရင်းသားလူမျိုးများအရေးဆိုင်ရာကော်မတီ ဥက္ကဋ္ဌ ၊အတွင်းရေးမှူးနှင့် အဖွဲ့ဝင်များ၊ လွှတ်တော်ရုံးအကြီးအမှူး၊ ဆစ်ခ်ဘာသာရေးအဖွဲ့/ဟိန္ဒူဘာသာရေး အဖွဲ့များနှင့် လွှတ်တော်ရုံးဝန်ထမ်းများ တက်ရောက်ခဲ့ကြပါသည်။
ရှေးဦးစွာ လွှတ်တော်ဥက္ကဋ္ဌ ဦးတင့်လှိုင်မြင့်မှ နှုတ်ခွန်းဆက်အဖွင့်အမှာစကားပြောကြားပြီး တိုင်းရင်းသား လူမျိုးများအရေးဆိုင်ရာ ကော်မတီဥက္ကဋ္ဌ ဦးအောင်မင်းကျော်သူမှ ကော်မတီဖွဲ့စည်းပုံနှင့် လုပ်ငန်း တာဝန်များ ရှင်းလင်းပြောကြားခဲ့ပါသည်။ ထို့နောက် တက်ရောက်လာသည့် ဆစ်ခ်ဘာသာရေး အဖွဲ့/ဟိန္ဒူဘာသာရေးအဖွဲ့ဝင်များမှ လွှတ်တော်သို့လာရောက်လေ့လာရသည့်အတွက် အလွန်ပင် ဝမ်းမြောက်ကြောင်း၊ ကျေးဇူးတင်ရှိကြောင်းနှင့် သိလိုသည်များအား မေးမြန်းကြရာ လွှတ်တော်ဥက္ကဋ္ဌမှ ပြန်လည်ရှင်းလင်း ဖြေကြားခဲ့ပါ သည်။
အခမ်းအနားကို (၁၂း၁၅)နာရီ အချိန်တွင် အောင်မြင်စွာ ကျင်းပပြီးစီးခဲ့ပါသည်။
