(၆-၁၁-၂၀၂၆)ရက်နေ့ (၁၄း၀၀)နာရီအချိန်တွင် စစ်ကိုင်းတိုင်းဒေသကြီးလွှတ်တော် သဘင်ဆောင်၌ တိုင်းဒေသကြီး သတ္ထုတွင်းဦးစီးဌာန၊ အမှတ်(၁) သတ္ထုတွင်းလုပ်ငန်း(မုံရွာရုံးခွဲ) နှင့်အမှတ်(၂)သတ္ထုတွင်းလုပ်ငန်းတို့မှ ဌာနနှင့်သက်ဆိုင်သည့် လုပ်ငန်းဆောင်ရွက်ချက်များ ဥပဒေ၊ နည်းဥပဒေများနှင့်ပတ်သက်၍ ဆွေးနွေးပွဲပြုလုပ်ခဲ့ပါသည်။
ဆွေးနွေးပွဲသို့ လွှတ်တော်ဥက္ကဋ္ဌ၊ ဒုတိယဥက္ကဋ္ဌ၊ လွှတ်တော်ရေးရာကော်မတီဥက္ကဋ္ဌများ၊ လွှတ်တော် ကိုယ်စားလှယ်များ၊ တိုင်းဒေသကြီးသတ္ထုတွင်းဦးစီးဌာန ညွှန်ကြားရေးမှူးနှင့်တာဝန်ရှိသူများ၊ အမှတ်(၁) သတ္ထုတွင်းလုပ်ငန်း(မုံရွာရုံးခွဲ)မှ တာဝန်ရှိသူများ၊ အမှတ်(၂) သတ္ထုတွင်းလုပ်ငန်းမှ တာဝန်ရှိသူများနှင့် လွှတ်တော်ရုံးဝန်ထမ်းများ တက်ရောက်ခဲ့ကြပါသည်။
ရှေးဦးစွာ လွှတ်တော်ဥက္ကဋ္ဌ၊ ဦးတင့်လှိုင်မြင့်မှ အဖွင့်အမှာစကားပြောကြားခဲ့ပြီး တိုင်းဒေသကြီး သတ္ထုတွင်းဦးစီးဌာန ညွှန်ကြားရေးမှူး၊ အမှတ်(၁) သတ္ထုတွင်းလုပ်ငန်း(မုံရွာရုံးခွဲ) လက်ထောက်အထွေထွေမန်နေဂျာ၊ အမှတ်(၂) သတ္ထုတွင်းလုပ်ငန်း ဒုတိယအထွေထွေမန်နေဂျာတို့မှ ဌာန၏ဝန်ထမ်းဖွဲ့စည်းပုံများ၊ လုပ်ငန်းဆောင်ရွက်ချက်များ၊ ဆက်လက်လုပ်ဆောင်မည့် လုပ်ငန်းအခြေအနေများ၊ ဌာနတွင် ကျင့်သုံးနေသော တည်ဆဲဥပဒေများအား Power Pointနှင့်တကွ ရှင်းလင်းတင်ပြခဲ့ပါသည်။ ဆက်လက်ပြီး တက်ရောက်လာကြသော လွှတ်တော်ဥက္ကဋ္ဌ၊ လွှတ်တော်ကိုယ်စားလှယ်များမှ သိလိုသည်များကို မေးမြန်ကြရာ ညွှန်ကြားရေမှူးနှင့် တာဝန်ရှိသူများမှ ပြန်လည်ရှင်းလင်း ဖြေကြားခဲ့ပါသည်။
ဆွေးနွေးပွဲကို (၁၅း၄၀)အချိန်တွင် အောင်မြင်စွာ ကျင်းပပြီးစီးခဲ့ပါသည်။
