စစ်ကိုင်းတိုင်းဒေသကြီး လွှတ်တော်ဥက္ကဋ္ဌ စစ်ကိုင်းတိုင်းဒေသကြီးလွှတ်တော်ရုံးစာကြည့်တိုက်သို့ စာအုပ်များ လှူဒါန်း မုံရွာ နိုဝင်ဘာ ၅

စစ်ကိုင်းတိုင်းဒေသကြီး လွှတ်တော်ဥက္ကဋ္ဌ ဦးတင့်လှိုင်မြင့်သည် စစ်ကိုင်းတိုင်းဒေသကြီးလွှတ်တော်ရုံး စာကြည့်တိုက်သို့ နိုင်ငံရေးစာအုပ်များ၊ သုတရသစာအုပ်များ၊ လူမှုရေး၊ စီးပွားရေးနှင့် သက်ဆိုင်သည့် စာအုပ်(၄၃)အုပ်ကို ပေးအပ်လှူဒါန်းရာ လွှတ်တော်စာကြည့်တိုက် တာဝန်ခံအရာရှိမှ လက်ခံရယူခဲ့ပါသည်။ အဆိုပါ စာအုပ်လှူဒါန်းရာသို့ လွှတ်တော်ဒုတိယဥက္ကဋ္ဌ၊ လွှတ်တော်ရုံးမှ တာဝန်ရှိသူများ တက်ရောက်ခဲ့ ပါသည်။
ထို့နောက် လွှတ်တော်ဥက္ကဋ္ဌနှင့်အဖွဲ့သည် စာကြည့်တိုက်အတွင်းရှိ စာအုပ်အမျိုးအစားများကို လေ့လာကြည့်ရှုခြင်း၊ စာအုပ်ငှားရမ်းမှုအခြေအနေများနှင့် စာဖတ်သူမျာာ အဆင်ပြေစွာဖတ်ရှုနိုင်ရေး ဆောင်ရွက်ထားရှိမှုအခြေအနေများကို လှည်လည်ကြည့်ရှု့ခဲ့ပြီး E-Library ဖွင့်လှစ်နိုင်ရေးအတွက် လမ်းညွှန်မှာကြားခဲ့ပါသည်။