စစ်ကိုင်းတိုင်းဒေသကြီးလွှတ်တော်ဥက္ကဋ္ဌ၊ ဦးတင့်လှိုင်မြင့်သည် (၁၂-၁၁-၂၀၂၆)ရက်နေ့ နံနက်ပိုင်းတွင် တိုင်းဒေသကြီးအစိုးရအဖွဲ့ဝန်ကြီးချုပ် ရွှေဘိုမြို့သို့ သွားရောက်သည့်ခရီးစဉ်သို့ လိုက်ပါခဲ့ပါသည်။
နံနက်(၁ဝး၃၀)နာရီ အချိန်တွင် ရွှေဘိုမြို့သို့ရောက်ရှိကာ အ.မ.ကတွင် စိုက်ပျိုးထားရှိသည့် စပါးစိုက်ခင်း များကို လှည့်လည်ကြည့်ရှုခြင်း၊ ရွှေဘိုမြို့ အလောင်းမင်းတရားကြီးနန်းတော်သို့ သွားရောက်၍ နန်းတော်အတွင်းလှည့်လည်ကြည့်ရှုခြင်းများ ဆောင်ရွက်ခဲ့ပြီး နေ့လည်(၁၃း၃၀)နာရီ အချိန်တွင် တည်းခိုသည့် နေရာသို့ ပြန်လည်ရောက်ရှိ၍ ခေတ္တရပ်နားခဲ့ပါသည်။
ထို့နောက် ညနေ(၁၅း၀၀)နာရီအချိန်တွင် ရွှေဘိုမြို့ မြို့တော်ခန်းမ၌ ကျင်းပပြုလုပ်သည့် တွေ့ဆုံပွဲ အခမ်းအနားသို့ တက်ရောက်ခဲ့ပြီး တက်ရောက်လာကြသော မိဘပြည်သူများ ဌာနဆိုင်ရာများနှင့် ရင်းရင်းနှီးနှီးတွေ့ဆုံနှုတ်ဆက်ခဲ့ပြီး ခင်းကျင်းပြသထားသည့် MSMEပြခန်းများအား လှည့်လည်ကြည့်ရှု့ခဲ့ပါသည်။
